兴宁情歌（5）

tiandao

兴宁情歌（5）

（六）吾知哪个好交情
两对耳环一样重，
唔知哪对真正金，
两个阿哥一样好，
唔知哪个真正心？
两条绿竹一样长，
唔知哪条正竹娘？
两个阿妹一样好，
唔知哪个正情长？
三条松树透天庭，
唔知哪条落松仁（脂）？
三个阿哥柬高大，
唔知哪个好交情？
三条树子般般柳（直),
唔知哪条下潮州，
三个妹子般般好，
唔知哪个情过有？
两个阿哥柬热人，
唔拣相貌单拣情，
打开庵门看佛面，
究竟哪个真正神（诚）？
上塘鱼子跳下塘，
唔知哪口水正凉？
前面柬多好妹子，
唔知哪只情正长？
好久唔曾搭船上，
唔知船上好风光，
柬多阿妹哥唔识，
唔知哪只好商量？
好久唔曾搭船下，
唔知河里柬多沙，
柬多阿哥妹唔识，
唔知开口问哪侪？
灯草拿来织鸡笼，
鸡爬狗蹶心就溶，
八面苏锣共下打，
唔知哪只正好铜（同）？
榄子好食两头尖，
唔知落地哪头生，
老蟹两边都有脚，
唔知落地哪边行?

作者涛涛

编辑:天道