兴宁情歌（八）

兴宁情歌

（八）未及时

隔远看到禾表枝，
想你救饿未及时，
只见朗花唔入米，
看你朗花到几时。
上山唔得半山企，
只见早禾正表枝，
样得禾黄食新米，
样得同妹结夫妻。
正月做田讲落秧，
唔到夏至苗唔黄，
阿妹好比早禾谷，
节气唔来唔登场。
南蛇唔大唔过岗，
火船唔大唔出洋，
亚妹还系鱼毛柢，
唔敢同哥漂大江。
茶子打油仁唔乌，
乌贪茶油贪茶枯，
阿哥也还年纪少，
唔敢来交细阿姑。
唔到十五月唔光，
唔到夏至禾唔黄，
妹子还系年纪小，
唔敢同哥说长短。
妹子门前花未开，
你也唔好紧缠来，
等到来年花开日。

作者：涛涛

编者：天道